Indiarekin, EBk burutu ditu herrialdeak Horizon Programan duen lankidetza estua eta integrazioa lortzeko negoziazioak; aldi berean, akordio zientifiko-teknologikoa eta 2030era begirako aldebiko Agenda Estrategiko Integrala berritu dira.
Australia gehituta, 24 herrialde daude Horizon-ekin lankidetzan, EBkoetaz aparte.
Nigeriarekin egindako itunari dagokionez, EBk jakinarazi du batez ere migratzaileen itzulerari eta segurtasunari buruzko gaiak jorratzen dituela.
Groenlandiarekin egindako aurrerapenek, aurreko hilabeteetan bezala, lehentasun hauek dituzte ardatz: segurtasuna, klima, interkonexioak eta azpiegiturak.
Ipar Afrikako herrialde arabiarrekin Mediterraneorako Itunaren Ekintza Planari dagokionez, pertsonentzat, ekonomiarentzat eta segurtasun-migraziorako ekintza estrategikoak jasotzen ditu. Egiptorekin irismen handiko aliantza dago, eta orain migrazioaren eta segurtasunaren arloan herrialdearen eta EBren arteko koordinaziorako mekanismo bilateral berriak iragarri dira.






