Irakurketan, matematikan edo zientzietan izandako atzerakadaren aurrean, Europako Batzordeak Estatu kideei erreformen eta inbertsioen inguruko Gomendio bat egitea proposatu dio Europako Kontseiluari.
Horri dagokionez, arreta berezia jarri du egoera ahulean dauden gazteen sektorean.
Eskola Aliantzak izango dira gaitasun horiei lotutako beste berritasun bat, eta Erasmus Plus programaren bidez finantzatuko dira.
Hezkuntzarako Azpiegitura Digitalen Partzuergoa, EDU-EDIC, sortu da, Espainia barne hartzen duten 8 herrialderekin batera. Helburua EB barruko lankidetza sustatzea da, eta, aldi berean, atzerriko teknologiaren mendekotasuna murriztea.
Adimen Artifizialaren Alfabetatze Ziurtagiria izango da Adimen Artifizialaren Legeari eta adingabeen babes digitalari buruzko EU Kids Act legeari lotutako beste berritasun bat.
Pantaila Osasungarrien Konpromisoa beste lankidetza-tresna bat izango da, hezkuntza-sektorea eta familiak inplikatuko dituena.
Irakaskuntzaren Agenda beste Gomendio batekin lotuta egongo da, eta Europako Kontseiluaren bidez bideratu nahi da. Gomendio horrek irakasleen lan-baldintzak hobetzeko hainbat proposamen jasoko ditu, besteak beste, EBk helburu horietarako dagoeneko sortutako Akademiak hobetzea.
Lanbide Heziketari dagokionez, estrategia berri bat aurreikusten da, sektore ekonomiko estrategikoekin (energia, industria, defentsa, eraikuntza...) lotura estuagoa izango duena.
Halaber, hainbat tresna berri aurreikusten dira:
-
Sektoreko Prestakuntzaren Azelerazioa, prestakuntza-moduluak barne hartuko dituena;
-
Enpresa Lankidetzarako Partzuergoak (VET Business), zentro eta programa berriak elkarrekin sortzeko;
-
Sektoreko Praktiken Klusterrak;
-
Lanbide Bikaintasunaren Sarea;
-
eta Lanbide Heziketako Mugikortasun Merkatua, prestakuntza- eta lan-trukeak ahalbidetzeko.
-
Lanbide Heziketaren kanpo-ekintzari dagokionez, berritasunak EBko hautagai diren herrialdeetara eta beste bazkide hurbiletara bideratuko dira, eta Talentuaren arloan, oro har, dagoeneko dauden tresnekin sinergiak sortzera.
Finantzaketaren arloan, aurreratu denez, datozen hilabeteetan arlo honetarako hurrengo zazpi urteko Europako aurrekontuan jasoko diren zenbatekoak zehazten joango dira.
Berritasun horiek guztiak arlo horri eskainitako Goi Bileran aurkeztuko dira, 2026ko azaroaren 20an.
Hezkuntzari eta gaitasunei buruzko multzoa Europako Batzordea estatu kideekin lantzen ari da, Kalitatezko Enpleguen Legearekin lotuta, Errumaniara egindako bisita baten kasuan bezala. Europako Batzordearen komunikazioa – Errumania
Europako Batzordeak prentsa-oharrak argitaratu ditu adierazpenekin eta galdera eta erantzunen gida batekin.
Europako Batzordearen adierazpenak
Galdera eta erantzunen gida
Europako Batzordeak dibulgazio eta komunikazio ikuspegi handiagoa duen beste albiste bat ere argitaratu du: [Shaping Europe's future through education and training]. Hezkuntza eta prestakuntzari buruzko Europako Batzordearen albistea
REVIE – Europako gaurkotasuneko beste eduki batzuetarako sarbidea






