Gipuzkoako Usurbil udalerriak Europako Batzordearen saria jaso du New European Bauhaus sarietan, “Boost for Small Municipalities” kategorian (udalerri txikientzako bultzada) irabazle izan baita Arrobitxulo proiektuarekin.
Proposamenak komunitate-, gazte- eta sormen-espazio bat sortzea aurreikusten du, herritarren parte-hartzea, kultur sorkuntza eta belaunaldien arteko topaketa sustatzeko. Proiektuak arte-, musika- eta jarduera digitaletarako espazioak ere barne hartzen ditu, gazteei eta euskal kulturaren sustapenari arreta berezia eskainiz.
Jasangarritasuna ere proiektuaren ardatz nagusietako bat da. Etorkizuneko ekipamenduak energia-eraginkortasuneko irizpideak, energia berriztagarriak eta inguruko beste eraikin publiko batzuen karbono-isuriak murrizteko hiri-berokuntzako sare bat izango ditu.
Europako aintzatespen horrek udalerri txikiek New European Bauhausaren printzipioekin bat datozen proiektu berritzaileak sustatzeko duten gaitasuna nabarmentzen du: jasangarritasuna, inklusioa eta bizi-kalitatea.
EIES - Europako informazioaren Euskal Sarea: Europako gaurkotasuneko beste edukietarako sarbidea
