Europako Informazioaren Euskal Sarea - EIES

Europako gaurkotasuna

• EKONOMIA, FINANTZAK ETA MONETA-POLITIKA. EBko gai horietarako Ministroen Kontseiluetan, hil honetan, honako lehentasun hauek landu dira, besteak beste: aurreikuspen ekonomikoak, energiaren estatuko gastuak, defentsako inbertsioak eta finantza-aktibo digitalen gainbegiratzea

  Halaber, aduana- eta tabako-fiskalitatea, Ukrainari emandako laguntza, Next funtsen estatuko planen itxiera eta estatistika-sistema komunen hobekuntzak ere jorratu dira.

• EGIF+, ESKUALDEKO ETA KOHESIO-POLITIKA: Eusko Jaurlaritzak maila anitzeko gobernantzaren eta eskualdeek 2028-2034ko urte anitzeko finantza-esparru berrian duten eginkizunaren aitorpenaren aldeko jarrera berretsi du

  Bilbon, 2021-2027ko Europako Gizarte Funts Plusaren Jarraipen Batzordearen esparruan, kohesio-politika sendo baten alde egin du, legegintza-eskumenak dituzten eskualdeekiko autonomia eta zuzeneko elkarrizketa oinarri dituena

• KANPOKO ALIANTZAK. EBk India Horizon I+G+I programan sartzea adostu du, aurrez berritutako akordio estrategiko, teknologiko eta komertzialekin bat eginez, eta Australiaren atxikimendua ere burutu du Programarako

  EBk aurrera egiten du, halaber, Mediterraneoaren hegoaldeko ertzerako dimentsio anitzeko Ekintza Planean, segurtasunari eta Egiptori berariaz eskainitako atalak iragarri ditu, Nigeriarekin migrazioari buruzko akordioa lortu du eta Groenlandiarekin duen aliantzan sakontzen jarraitzen du, segurtasunerako eta Artikorako estrategien esparruan.